Nampxo

Xüsusi şəhər
Nampxo
kor. 남포시
38°44′00″ şm. e. 125°24′00″ ş. u.
Ölkə	Şimali Koreya
Region	Kvanso
Rayon	Pxyonan-Namdo
Tarixi və coğrafiyası
Əvvəlki adları	Çinnampxo, Tinnampo
Sahəsi	829 km²
Saat qurşağı	UTC+8:30
Əhalisi
Əhalisi	366 815[1] nəfər (2008)
Milli tərkibi	koreyalılar
Rəsmi dili	Koreya dili (şimal-qərb dialekti)
Rəqəmsal identifikatorlar
Telefon kodu	+850 39хххххх
Xəritəni göstər/gizlə Nampxo
Vikianbarda əlaqəli mediafayllar

Nampxo (kor. 남포시) — Şimali Koreyanın Pxyonan-Namdo vilayətində yerləşən şəhər və dəniz limanı. Şəhər Tedonqan çayının şimal sahilində, çayın mənsəbinin 15 km şərqində yerləşir. 1980-2004-cü illərdə Nampxo şəhəri "Birbaşa idarə edilən şəhər" statusu daşımışdır. Daha sonra şəhərə Xüsusi şəhər statusu verilmiş və 2010-cu ildə Pxyonan-Namdo vilayətinin tərkibinə daxil edilmişdir. Nampxo şəhəri Şimali Koreyanın paytaxtı Pxenyan şəhərindən 50 km cənub-qərbdə yerləşir. Şəhərin əsası kiçik balıqçılıq kəndi kimi qoyulmuş, 1897-ci ildə xarici ticarət sayəsində limana çevrilmiş, 1945-ci ildə müasir dəniz limanı olmuşdur. Bunun sayəsində şəhər böyümüş və kapital qoyuluşu sürətlənmişdir. 1910-1945-ci illərdə Yapon rejimi dövründə şəhər Namupo adı ilə tanınmışdır.

Şəhərdəki sənaye komplekslərinə Nampxo Zavod Kompleksi, Nampxo Şüşə Korporasiyası, Nampxo Gəmiqayırma Kompleksi, Nampxo Balıqçılıq Kompleksi və s. aiddir. Nampxo Şimali Koreyanın gəmiqayırma sənayesinin mərkəzidir. Şəhərin şimalında yük nəqliyyatı, akvatik məhsul, balıqçılıq, duz zavodları yerləşir. Almalar şəhərin Ryonqan rayonunda yetişir və ən məşhur yerli məhsuldur.^[2][3]

1. ↑ "DPR Korean Central Bureau of Statistics: 2008 Population Census" (PDF). 2011-05-14 tarixində orijinalından (PDF) arxivləşdirilib. İstifadə tarixi: 2015-11-12.
2. ↑ "남포직할시". 한국민족대백과사전 (Korean). 5 March 2008 tarixində arxivləşdirilib. İstifadə tarixi: 11 November 2006.
3. ↑ Kim, Nam-yong (金南龍). "남포직할시". Korean Britannica (Korean). 28 September 2007 tarixində orijinalından arxivləşdirilib. İstifadə tarixi: 11 November 2006.